Wo kuch aise purane din ..

Wo kuch aise purane din ..

Wo kuch aise purane din yaad aate hain,

Jab yun asaan si hoti thi zindagi…

Na kal ka sochna, na aaj ki parwaah,

aur jab kabhi na hota tha dil tanha…

Kabhi khel khel mein hasna, khel khel mein rona,

Har baat par khush ho jaana,

Har anjaan aahat par darr jaana,

aasmaan mein udte jahaaz ko dekh kar heraan ho jaana,

Rang birangi tittali ko dekh kar muskarana,

Diwali ke patake, Holi ke rang,

Jab hota the mere sab dost mere sang,

bas wohi kuch purane din yaad aate hain,

jab yun asaan si hoti thi zindagi …